Mazhoranca dhe opozita në komisionin e ligjeve bashkuan votat për të miratuar projektligjin për rritjen e pagave, megjithëse deputetët kishin rezerva dhe kritika për ligjin. Deputeti Saimir Korreshi e cilësoi të pamjaftueshme këtë rritje, duke kërkuar edhe rishikimin e pensioneve, ndërsa deputeti socialist Fatmir Xhafaj, deklaroi se ligji prish hierarkinë e pagave.
Nga SYRI TV
Pas nisjes së punimeve të Kuvendit, me përfundimin e fushatës zgjedhore, Komisioni i Ligjeve miratoi projektligjin për rritjen e pagave, të propozuar nga qeveria me pompozitet si një rritje e mirëfilltë, por deputetët kanë nxjerrë në pah se ky ligj nuk ka efekte reale të qytetarët dhe nuk mjafton. Për projektligjin që u prezantua nga ministrja e Financave Delina Ibrahimaj, pati kritika edhe nga vetë socialistët.
Deputeti demokrat Saimir Korreshi ngriti shqetësimin edhe për pensionet e ulëta, por Ministrja e Financave deklaroi se qeveria nuk ka në plan të afërt të bëjë rritje pensionesh.
Ndërsa ligji për rritjen e pagave pritet të miratohet në Kuvend javën e ardhshme, ishte vetë deputeti socialist Fatmir Xhafaj që hodhi poshtë pretendimet e kryeministrit Edi Rama se ligji u bllokua për më shumë se një muaj, nga deputetët.
© SYRI.net