Deputetja e Partisë Demokratike, Ina Zhupa, ka udhëhequr diskutimin nga tryeza për prezantimin e kandidatit të Sarandës Ardit Cikuli, ku fokus ishte dhe diskutimi për mbrojtjen dhe programin e trashëgimisë kulturore të Butrintit.

'‘Kemi një vit që jemi në diskutime për mbrojtjen e Butrintit që është një nga vlerat, e jo vetëm qytetit të Sarandës, por gjithë Shqipërisë, ashtu siç është vlerë botërore e mbrojtur nga UNESCO, për atë çfarë përfaqëson'’, u shpreh Zhupa, e cila ndër te tjera, kujtoi se si vetëm një ditë më parë ministrja e kulturës e prezantoi me krenari, programin për shkatërrimin e tij.