Shkodra me 14 maj do ndëshkojë me votë tentativën e kësaj qeveri për ta gjunjëzuar metropolin verior. Kështu u shpreh gjatë takimit me gratë dhe vajzat e rajonit nr 4, kandidati i koalicionit “Bashkë Fitojmë” Bardh Spahia, teksa shpalosi edhe programin për 4 vitet e ardhshme

Syri tv

Në 14 Maj, gratë dhe vajzat si dhe çdo banor i Bashkisë Shkodër do tja japë me votë përgjigjen kësaj qeverie që në 10 vite me politikat e saj ka synuar gjunjëzimin e Shkodrës.

Kështu u shpreh gjatë takimit me gratë dhe vajzat e rajonit nr 4, kandidati i koalicionit “Bashkë Fitojmë” Bardh Spahia, I cili evidentoi se fuqizimi I gruas për demokratët nuk është fasadë dhe propagandë por realitet.

Programi ynë e projekton Shkodrën e këtij 4 - vjeçari me rritje ekonomike, zhvillim turizmi dhe investime tha Spahia.

Fitorja e 14 Majit nis nga Shkodra për tu shtrirë në të gjithë Shqipërinë ishte garancia që i dhanë kandidatit Spahia zonjat e rajonit 4.