Mësuesit që refuzojnë të marrin pjesë në takimet elektorale të Partisë Socialiste kërcënohen me largim nga puna.
Denoncimi është bërë nga kandidati demokrat i koalicionit “Bashkë Fitojmë” për Bashkinë e Rrogozhinës, Shkëlqim Hoxha, i cili ka publikuar edhe mesazhet që vërtetojnë presionet dhe kërcënimet ndaj mësuesve.
Qytetari që ka sinjalizuar kandidatin Hoxha shkruan se të gjithë punonjësve të administratës po u bëhet presion i jashtëzakonshëm.
Sipas Hoxhës, këto janë manovra mjerane që do të përballen me ligjin.
News24 ishte ne kinemane e qytetit të Rrogozhinës gjatë kohës që po zhvillohej mbledhja me mësuesit, por operatori i tyre u nxor forcërisht jashtë, me pretendimin se nuk ishte i ftuar për të marrë pjesë në takim.
Postimi i plotë:
❌ Asnjë manovër mjerane nuk ju shpëton nga humbja e thellë e 14 Majit!‼
Në vend që të interesohen për mbarëvajtjen e mësimit në shkolla, në vend që të sigurojnë minimumin e kujdesit për arsimin duke filluar nga ngrohja dhe pajisjet shkollore, këta zgjedhin t’i bëjnë presion mësuesve duke i grumbulluar në kinemanë e qytetit.
🛑 I bëjmë thirrje arsimtarëve dhe të gjithë të punësuarve të tjerë në Bashkinë e Rrogozhinës të ngrihen në lartësinë që u takon dhe të mos bien pre e presioneve dhe kërcënimeve.
#BashkëFitojmë
© SYRI.net