Sekretarja për Marrëdhëniet me Publikun në PD, Jola Hysaj, ka reaguar pas uljes së ndjeshme të çmimit të naftës në bursat ndërkombëtare, ndërsa Bordi i Edi Ramës nuk u mblodh as këtë të shtunë.
Në një postim në rrjetet sociale, Hysaj ngre disa pikëpyetje, duke theksuar se me uljen e çmimit të naftës, Ramës i bien të ardhurat dhe i cenohet plani për të shpërndarë karamelet elektorale para zgjedhjeve.
Çuditërisht në vendin tonë çmimi i naftës reflektohet menjëherë në treg kur ai rritet në bursë, por një gjë e tillë nuk ndodh kur litri i naftës zbret në tregjet ndërkombëtare.
Postimi
Bordi i Trasparencës vonon në mënyrë të tejskajshme kohore dhe qartësisht të qëllimtë vendimarrjen në rastin e uljes së çmimit të karburanteve në tregjet ndërkombëtare.
Në të njejtën kohë institucioni në fjalë vazhdon praktikën e vendimarrjes së menjëhershme në rast të rritjes së çmimeve së karburanteve, duke e pasqyruar drejtpërdrejtë në tregun vendas.
Si gjithmonë Kosova një hap para...
Bordiiii, o bordiiii...a jeni zgjuar mo se transparenca ka marrë malet.
Vetëm për ne nuk lëviz bursa??
Rritjen e çmimit e bëjmë të parët, për ta ulur nuk i shohin sytë bordit?
Apo si 1 Prill nuk e marrin bursën seriozisht?!
Apo nuk rriten më pensionet pas uljes se çmimit të naftës?
Ç'hall të ketë Bordi i D'Ramës vallë?
© SYRI.net