"Në 5 vjet ne do të kemi 24 orë ujë, në 5 vjet. Po them cilësi Korçe me çmim Bathoreje".
Kjo ishte deklarata e Erion Veliajt në vitin 2017, kur zotohej se Tirana do të kishte 24 orë ujë deri në vitin 2022.
Sekretarja për Marrëdhëniet me Publikun e PL, Silva Caka i uroi sot në 1 prill "ditëlindjen" Erion Veliajt dhe i kujtoi premtimin e pambajtur 6 vjet më parë.
"Siç e dëgjuat dhe patë edhe ju Erion Veliaj premton që Brenda vitit 2022 tarracat e pallateve në Tiranë do të cliroheshin më në fund nga depozitat të cilat rrezikojnë jetët e banorëve. Sot është 1 prilli ditëlindja e Erion Veliajt dhe ky që shihni pas meje është realiteti i depozitave të ujit në tarracat e pallateve në Tiranë. Pas 8 vitesh të gjithë banorët e Tiranës e kanë kuptuar që Erion Veliaj vetëm gënjen. Furnizimi me ujë 24 orë nuk u realizua kurrë nga Erion Veliaj, cilësia e ujit është skandaloze në Tiranë, depozitat janë ende në Tiranë dhe çmimi i ujit ka shkuar jo si në Bathore por si në Dubai. Gëzuar ditëlindjen Erion!", u shpreh Caka.
© SYRI.net