Kandidati i Partisë Demokratike i dalë nga procesi i primareve për Bashkinë e Gramshit, Hasim Çekrezi ka prezantuar alternativën e tij në garën elektorale të 14 majit.
Në një postim në Facebook, Çekrezi ka renditur një sërë pikash ku do të fokusohet fushata e tij për kryetar të Bashkisë Gramsh, duke theksuar bashkëpunimin për të përmirësuar jetesën e çdo banori, si dhe mbështetjen për biznesin, bujqësinë dhe turizmin malor.
Gjithashtu në fokus të kandidatit demokrat janë edhe familjet në vështirësi financiare, rinia dhe çiftet e reja të cilat do të mbështeten për të përfituar kredi të butë.
Një tjetër pikë e programit të tij është dhe arsimi, si dhe përmirësimi i kushteve për shkollat, kopshtet dhe çerdhet.
Postimi i plotë:
Të nderuar qytetarë të qytetit tim.
Ndihem krenar që ndodhem përpara jush si Kandidat për Kryetar të Bashkisë Gramsh.
Kandidoj përpara jush me moton:
Të vemë Bashkinë në shërbim të të gjithëve.
-Së bashku na pret një rrugetim i gjatë, duke bashkëpunuar për të përmirësuar jetesën e çdo qytetari të qytetit të Gramshit.
-Është hartuar një program i mirëfilltë për Bashkinë nga specialistë vendas dhe të huaj.
-Investimet publike të cilat këto vite janë lenë pas dore nga qeveria, janë pjesa kyçe e programit tim në drejtimin e Bashkisë.
-Mbështetje për zhvillimin e biznesit në të gjithë territorin e Bashkisë.
-Mbështetje për zhvillimin e Bujqësisë dhe Blektorisë.
-Mbështetje për Turizmin Malor ku investitorët vendas do jenë Primar.
-Familjet në vështirësi ekonomike, personat me ndihmë sociale, me asistencë të cilëve ju është ndërprerë e drejta për ta ripërfituar do i kenë dyert e Bashkisë të hapura për të paraqitur informacionin dhe dokumentacionin e nevojshëm. Duke venë në lëvizje strukturat dhe specialistët e caktuar për verifikimet e nevojshme.
-Mbështetja e rinisë për të mos u larguar nga qyteti dhe atdheu pas mbarimit të universitetit duke ju krijuar mundësi punësimi.
-Mbështetja e çifteve të reja për t’ju mundësuar përfitim për kredi të butë.
-Përmirësimi i arsimit, për shkollat, kopshtet, çerdhet, duke bashkëpunuar me Ministrinë e Arsimit për përmirësimin e kushteve në ambientet e sipër përmendura dhe cilësisë arsimore.
-Alternativa ime është:
MARRËDHËNIE, KOMUNIKIM
I SINQERTE DHE KORREKT
TRANSPARENCË DHE TOLERANT
PUNË DHE VETËM PUNË
ZHVILLIM DHE PROGRES
#BashkëFitojmë
#BashkiaGrmash
#PD✌🏻
© SYRI.net