Deputetja e PL, Monika Kryemadhi në "Ora e Betit" në RTV Ora  foli lidhur me protestën që do të zhvillohet ditën e premte 3 mars nga opozita.

Gazetarja: Çfarë proteste do të jetë ajo e së premtes?

Monika Kryemadhi: Ne nesër do të jemi në koordinimet përfundimtare. E rëndësishme është pjesëmarrja e njerëzve. Me aq shqiptarë sa kanë mbetur, me shpopullimin në mënyrë dramatike të Shqipërisë mendoj që janë disa hapa që do të shkojnë drejt një ndërgjegjësimi të opinionit publik. Politika e Edi Ramës ka qenë demotivo, vrit shpresën në mënyrë që njerëzit të ikin dhe vijnë pastaj nga Bangladeshi.