Kryetari i PD-së, Sali Berisha, e ka cilësuar protestën që mbahet sot në Tiranë nga opozita si “revolucion demokratik” dhe ka shprehur besimin e plotë për një mbështetje të gjërë popullore. Në mesazhin e dhënë para pak minutash në profilin e tij në Fb, Berisha shkruan: “Shqipëria po marshon drejt Tiranës! Tirana vërshon sot në rrugët dhe sheshet e saj! Rroftë Revolucioni Demokratik!”

Opozita e organizon protestën me moton “Shqipërisë i dalim zot”. Ajo do të mbahet në sheshin përpara Kryeministrisë në bulevardin “Dëshmorët e Kombit”në orën 12:00.

Më herët, kreu i opozitës publikoi  në Fb edhe një videomesazh me shënimin "Uragani po vjen".