Gazetarja e “New York Post”, Miranda Devine, ironizon kryeministrin Edi Rama për mohimin e miqësisë, pasi Charles McGonigal u arrestua për korrupsion. Devine, në një status Twitter, ka marrë si referencë artikullin e SYRI.NET, duke vënë në pah se Rama ka ndryshuar mendje për natyrën e marrëdhënies që nga arrestimi i McGonigal në New York.

SYRI TV

Skandali Rama-McGonigal ka qenë çështja që ka ngritur më tepër interes për zbardhjen e detajeve nga mediet dhe gazetarët në Shtetet e Bashkuara të Amerikës. Së fundmi edhe gazetarja amerikane Miranda Devine e “New York Post” ka ironizuar ndryshimet e vazhdueshme të qëndrimeve nga kryeministri Edi Rama përsa i përket marrëdhënieve me Charles McGonigal. Devine, ka publikuar një status në Twitter, ku ka linkuar dhe marrë si referencë lajmin e publikuar në SYRI.NET dhe shkruan se Rama ka ndryshuar mendje pas arrestimit:

“Video tregon kryeministrin shqiptar Edi Rama nën presion për marrëdhënien e tij me Charles McGonigal, ish-agjentin e FBI-së të dyshuar për korrupsion. Ai ka ndryshuar mendje për natyrën e marrëdhënies që nga arrestimi i McGonigal në New York”- shkruan Devine në Twitter.

Ndërkohë që videoja e publikuar në SYRI.NET, e marrë si referencë nga gazetarja e “New York Post” ka dy qëndrimet e kryeministrit Edi Rama në konferencat për shtyp, ku në muajin shtator deklaronte se e kishte mik, ndërsa sot përpiqet që të zhbëjë miqësinë, video e cila është publikuar nga kreu i Partisë Demokratike, Sali Berisha. 

Miranda Devine është gazetare e mirënjohur në SHBA, si punonjëse e “New York Post”, e cila ka ndjekur nga afër çështjen e McGonigal si dhe më herët ka zbuluar skandale të Hunter Biden, djalit të Presidentit Joe Biden.

Video shows Albanian Premier Edi Rama under pressure about his relationship with allegedly corrupt former FBI agent Charles McGonigal. He’s changed his tune about the nature of the relationship since McGonigal’s arrest in New York. https://t.co/pGofYEXxrI

— Miranda Devine (@mirandadevine) January 29, 2023