Kryetari i Partisë së Lirisë Ilir Meta  në një intervistë për emisionin e mëngjesit ‘7 pa 5’ në Vizion Plus ka treguar një anë tjetër të tijën, atë të sportistit.

I veshur me kostum sportiv, Meta gjatë intervistës është shprehur se është angazhuar në peshëngritje me ekipin e Dinamos, kohë të cilën e kujton me nostalgji dhe kohë e cila e lidh dhe më fort me Liqenin Artificial të Tiranës.

Kryetari  i PL-së  u shpreh gjithashtu se palestra e ekipit ishte poshtë shkallëve të stadiumit kombëtar ‘Qemal Stafa’ dhe se një herë në javë e kishin të detyrueshme të dilnin në natyrë dhe të bënin ecje.

‘’Unë u angazhova në peshëngritje me ekipin e Dinamos dhe mbaj mend, ka qenë një kohë shumë e bukur dhe shumë interesante dhe që më lidh dhe me liqenin akoma më fort. Pasi palestra jonë ishte poshtë shkallëve të stadiumit kombëtar ‘Qemal Stafa’ edhe një herë në javë e kishim të detyrueshme të dilnim në natyrë të bënim ecje dhe meqenëse shumica e çunave ishin nga Sauku, pasi sauksit ishin të apasionuar pas peshngritjes dhe pas mundjes. Ne të gjithë iknim këtej nga Kodrat e Saukut.’’ është shprehur Meta.

@partiaelirise Intervista ndryshe e Ilir Metës- Peshëngritja           #pl #partiaelirise #albania #tirana #liqeni #ilirmeta #intervist #vizionplus #nike #justdoit #fyp ♬ original sound - partiaelirise