Kryeministri Edi Rama reagoi pasi ambasadorja amerikane, Yuri Kim, deklaroi se ka presione për zgjedhjen e kreut të ri të SPAK, duke nënkuptuar se qeveria po bën presion.

Sipas saj, qëllimi është që të pengohen dhe manipulohen hetimet.

Ndërkohë Rama, indirekt i kujtoi asaj se kreun e SPAK nuk e zgjedhin ambasadat.

Ky shënon një tjetër moment tensioni mes Edi Ramës dhe ambasadores amerikane, Yuri Kim.

“Jam plotësisht dakord me ambasadoren amerikane dhe boll me thashethemet e katundit politik e mediatik!

Kreun e SPAK s’e zgjedh as qeveria, as foltorjavulorjafallgjorja, as ambasada jo e jo, po një institucion i quajtur Këshilli i Lartë i Prokurorisë, që varet vetëm nga anëtarët e vet!

Prandaj anëtarët e KLP të mos dëgjojnë askënd përveç kandidatëve,të mos lexojnë asgjë përveç biografisë profesionale të kandidatëve, të mos influencohen nga askush përveçse nga profili e perfomanca e kandidatëve! Ata japin llogari vetëm para pasqyrës së tyre dhe askujt tjetër,” shkruan Rama.