Banorët e një lagjeje në fshatin Sheqishtë të Patosit protestuan, për shkak të amortizimit të rrugës dhe mungesës së pastrimit të mbetjeve urbane. Banorët thonë se shkak i mungesës së investimeve, janë bindjet e tyre politike
SYRI TV
Janë rreth 400 metra rrugë dhe kanalizime, të cilët u shërbejnë dhjetëra banorëve në lagjen “Kocaqe” në fshatin Sheqishte të Zharrzës, të cilat kanë nevojë për investime.
Banorët protestuan, duke u shprehur se prej vitesh Bashkia nuk investon në zonën e tyre, duke bërë që rruga të amortizohet ndërsa mbetjet urbane të dekompozohen pa u pastruar.
Ata thonë se Bashkia e Patosit i diskriminon për shkak të bindjeve politike.
Banorët thonë se ditët në vijim do të zhvillojnë një protestë para Bashkisë së Patos, për shkak të lënies në harresë nga ky institucion.
© SYRI.net