Kryetari i Partisë Demokratike Sali Berisha gjatë takimi me mësuesit dhe ekspertët e arsimit akuzoi qeverinë Rama se e ka lënë në harresë këtë sektor. Berisha teksa akuzoi edhe kreun e Bashkisë së Tiranës Erion Veliaj se i ndërton shkollat më shtrenjtë dhe jashtë standardeve. Ai bëri me dije se me ardhjen e PD-së në pushtet do të miratohen ligje të cilat do të kenë në fokus arsimin.
Nga SYRI TV
Lideri i opozitës Sali Berisha zhvilloi një takim me mësuesit dhe ekspertët e arsimit parauniversatar, ku denoncoi problemet e sektorit të arsimit. Ish-kryeministri Berisha akuzoi qeverinë Rama se ka hequr mësuesit nga puna për shkak të qëndrimeve që kanë mbajtur në rrjetet sociale si dhe theksoi se shkollat nuk kanë infrastrukturën e duhur.
Berisha teksa iu referua denoncimeve të mësuesëve deklaroi se Arben Ahmetaj dhe Taulant Balla kanë zhvatur taksat e qytetarëve shqiptarë si dhe janë të lidhur me bandat.
Ish-kryemininstri Berisha akuzoi edhe kreun e bashkisë së Tiranës, Erion Veliaj se i ndërton shkollat më shtrenjtë dhe jashtë standarteve.
Berisha premtoi se me ardhjen e PD-së në pushtet do të miratohen ligje të cilat do të kenë në fokus, arsimin.
Sali Berisha iu bëri thirrje mësuesve dhe ekspertëve të arsimit që të bëhen bashkë në misionin e rikthimit të votës së lirë në vend.
© SYRI.net