Dy anëtarë të tjerë Kryesie të Partisë Demokratike janë pozicionuar kundër propozimit të Lulzim Bashës për të mbledhur Kryesinë në datën 18 dhjetor. 

Ledina Mandia, Sekretare për Çështjen e Pronave ka deklaruar gjatë debateve në Kryesi se Kuvendi duhet të mblidhet ashtu siç kanë kërkuar delegatët. 

"Kuvendi duhet të mblidhet në 11 dhjetor", u shpreh Mandia, zv/kryeministre në qeverinë e përbashkët teknike PD-PS të 2017-ës. 

Ndërkohë, anëtari tjetër i Kryesisë, Ervin Minarolli, Sekretar Organizativ, i cili u propozua nga Edi Paloka si negociator i mundshëm me Ivi Kason për krizën që ka përfshirë PD-në, tha se duhet arritur tek një pikë e përbashkët. 

"Gjeni një datë të përbashkët për Kuvendin, duhet bashkim", është shprehur Minarolli.