Të dashur miq, letrat shqipe dhe mbarë kombi shqiptar përulen sot me nderimin më të thellë mirënjohjen më të pakufishme para veprës së pavdekshme, sakrificës sublime të martirit të lirisë, poetit disident Havzi Nelën.

35 vjet më parë më 10 gusht të vitit 1988 me firmën e xhelatëve të diktaturës hoxhiste Ramiz Alia dhe Kristaq Rama babai bilogjik i Edi Ramës u ekzekutua me varje në sheshin kryesor të qytetit të Kukësit për t'u bërë përjetë i pavdekshëm poeti i shquar e disident Havzi Nela. Varja publike e poetit kollosit të pamposhtur të lirisë me urdhër të xhelatëve Alia dhe Rama vetëm një vit para shembjes së Murit të Belinit, ishte çmimi që ai pagoi për guximin e tij, që t'ju thurë vargje kushtruese lirive dhe të drejtave të njeriut, frymës së Helsinkit dhe Kosovës së pushtuar.

Ky akt makabër tronditi mbarë opinionin publik shqiptar dhe botëror dhe dëshmoi përsëri  futyrën e vërtetë mizore të diktaturës hoxhiste. Akti kishte synim kryesor jo vetëm hakmarrjen  primitive të xhelatëve të rregjimit, por edhe terrorizimin e popullatës në tërësi dhe inteligjencës shqiptare në veçanti si dhe të vriste pa lindur pa dale nga goja çdo varg apo fjalë e lirë. Nderim për jetë poetit disident Havzi Nela.

Këtu më poshtë keni ripublikimin e një poezie të poetit Havzi Nela dhe një status për Edi Ramën, të birin e xhelatit Kristaq Rama, që së bashku me diktatorin Ramiz Alia firmosi varjen në litar të poetit disident.

- Poezia “Fryma e Helsinkit”, nga Havzi Nela. 

Kështjella feudale tundet e lëkundet 
Si nji varkë e thyeme mbi valët përkundet; 
Tirani mizor me detin sot po mundet 
Thellë, gjithnji ma thellë n’mes dallgëve po futet. 
Fryma e Helsinkit u derdh porsi era 
Na përkëdheli zemrat, çeli si pranvera; 
Këtu në votrat tona futi gaz e shpresë 
Na zgjoi afsh e vrull, ndoshta, nuk do vdesë!

-Sot esht një ditë që mund të bëheshe njeri Edvin! Sot është 35 vjetori i varjes në litarë në sheshin qendror të qytetit të Kukësit me firmë të xhelatëve Ramiz Alia dhe Kristaq Rama, babait tënd biologjik, e poetit disident Havzi Nela.

Sot është një ditë që Edi Kristaq Xhelati mund të "varë" brenda vehtes çnjerëzoren e neobllokmenit dhe të tregoje qoftë dhe për pak çaste një grimcë ndërgjegje të njeriut të qytetëruar, të dënojë krimin mizor të të atit të tij xhelat dhe të kërkojë ndjesë publike familjes dhe së paku botës së letrave për varjen me firmën e Ramiz Alis dhe Kristaq Ramës të poetit disident Havzi Nela.

Këto pak rrjeshta nuk i shkruaj për politikë por si një apel për ngadhnjimin e njeriut mbi antinjeriun! sb