Edhe pse Bashkimi Evropian para disa vitesh njoftoi se do të shfuqizonte orën verore dhe dimërore dhe do të miratonte një të unifikuar, kjo (ende) nuk ka ndodhur.

Në Evropë, duke përfshirë edhe Kosovën, ora verore këtë vit përfundon më 29 tetor.

Kjo do të thotë se në natën e 29 tetorit, në orën 03:00, do t’i zhvendosim akrepat e orës një orë pas, domethënë në ora 02:00.

Nuk dihet ende se kur BE-ja do të heqë përfundimisht ndryshimin e orës, por në Kroaci, e cila është anëtare e Unionit, për shembull, rregullorja për numërimin e orës verore dhe dimërore është në fuqi deri në fund të vitit 2026.

Në këtë Rregullore thuhet gjithashtu se si do të rregullohet koha deri në fund të vitit 2026.