Arkeologët kanë gjetur një shpatë tetëkëndëshe që daton më shumë se 3000 vjet më parë në një vend varrimi në shtetin e Bavarisë, në Gjermaninë jugore.

Sipas një deklarate të Zyrës Shtetërore të Bavarisë për Ruajtjen e Monumenteve, shpata është ruajtur aq mirë sa që ende shkëlqen.

Ajo u zbulua javën e kaluar në një vend në Donau-Ries dhe studiuesit besojnë se u la në varr si një dhuratë varrimi.

Shpata mendohet se daton në fund të shekullit të 14 para erës sonë, epoka e mesme e bronzit. Sipas deklaratës, një shpatë si kjo, me një dorezë tetëkëndëshe të bërë tërësisht prej bronzi, është një gjetje e rrallë.

“Shpata dhe varrimi duhet ende të ekzaminohen në mënyrë që arkeologët tanë të mund ta klasifikojnë këtë gërmim më saktë. Gjendja e ruajtjes është e jashtëzakonshme! Një gjetje si kjo është shumë e rrallë,” tha profesori Mathias Pfeil, kreu i Zyrës së Shtetit Bavarez për Ruajtjen e Monumenteve.

Studiuesit besojnë se shpata ishte një armë e vërtetë. “Qendra e gravitetit në pjesën e përparme të tehut tregon se ajo ishte e balancuar kryesisht për prerje”, thuhet në deklaratë.

Ajo u la në një varr që përmban eshtrat e tre personave, një burri, një gruaje dhe një të riu, të cilët u varrosën menjëherë pas njëri-tjetrit, vazhdon deklarata. Nuk është e qartë se cila ishte marrëdhënia e tyre, por ata u varrosën me një varg të pasur varresh.