Syri TV sjell pamjet nga lart të aksidentit të ndodhur mesditën e sotme në autostradën Tiranë – Durrës pranë QTU-së. Mikrobuzi që transportonte pasagjerë ndërqytetas ka thyer barrierat trafikndarëse dhe ka përfunduar në kanal.

Nga informacionet e para flitet për 2 viktima e 7 të plagosur, mes të cilave ka dhe persona në gjëndje të rëndë, informon gazetari i Syri, Fatjon Gjinaj.

Është I paqartë shkaku dhe rrethanat e aksidentit ndërkohë policia ende nuk ka dalë me një njoftim zyrtar.

Nga informacionet por ende të pakonfirmuara në mikrobuz udhëtonin 18 persona, ndërsa 7 janë dërguar në gjëndje të rëndë.  Mes tyre dyshohet se ka dhe një fëmijë.

Në vendngjarje ndodhen autoambulanca, mjekë të ndihmës së shpejtë dhe 4 barrela.