Çifti kishte ardhur me pushime/ Burri plagos me thikë gruan në Pogradec

Një ngjarje e rëndë ka ndodhur në Pogradec, ku një bashkëshort ka plagosur me thikë bashkëshorten në banesën e tyre në lagjen 4 të qytetit në Pogradec.

Dyshohet se çifti ka patur një konflikt të çastit dhe burri ka marrë thikën duke e plagosur të shoqen.

Sipas informacioneve paraprake, dyshohet se burri vuan nga probleme të shëndetit mendor. Gruaja është dërguar në spitalin e Pogradecit ku po merr ndihmën mjekësore ndërsa do të niset drejt Tiranës për mjekim më të specializuar por deri më tani nuk ka rrezik për jetën.

Mësohet se gruaja 29 vjeçare ka marrë 2 plagë, një në bark dhe një në krah. Bashkëshorti 30 vjeçar ndodhet në komisariatin e Pogradecit ku pritet të japë deklarimet për ngjarjen.

Çifti jeton në Greqi por kanë ardhur me pushime te familjarët e tyre në Pogradec.

Ndërkohë vijon puna nga grupi hetimor për zbardhjen e plotë të rrethanave të ngjarjes.

Pogradec/ Informacion paraprak.

Plagosi me mjet prerës (thikë) bashkëshorten e tij, kapet në flagrancë në banesë falë reagimit të menjëhershëm të Policisë dhe shoqërohet në Komisariat 30-vjeçari.

Rreth orës 13:30, në lagjen nr. 4, Pogradec, shtetasi R. Xh., 30 vjeç, dyshohet se gjatë një konflikti në banesë ka plagosur me mjet prerës (thikë) bashkëshorten e tij, shtetasen B. Xh., 28 vjeçe, e cila po merr mjekim në spital.

30-vjeçari është shoqëruar në Komisariatin e Policisë Pogradec dhe po kryhen veprimet procedurale.

Grupi hetimor vijon punën për zbardhjen e plotë të rrethanave të ngjarjes.