SYRI TV/ Ndarje klienteliste e hapësirave të plazheve, Gëzim Bushati denoncon situatën në Shëngjin

Dhënia e hapësirave publike tek të fortët dhe në mënyrë klienteliste po sjell viktima, por edhe sherre. Plagosjen në Kune të Lezhës disa ditë më parë e ka paralajmëruar qytetari Gëzim Bushati, i cili ende nuk po merr pronën e tij dhe akuzon Pjerin Ndreun se po vepron si kryeministër nga Miloti e sipër, për ndarjen e hapësirave publike. Sipas Bushatit, drejtësia për këtë çështje nuk po vepron.

Ndarja klienteliste, pa ligj, dhënia te fortëve e hapësirës së bregdetit po sjell viktima, siç në ditët e fundit sherri për plazhin në Kune të Lezhës ka shkaktuar një të plagosur në mes të pushuesve. Por kjo ishte një ngjarje e paralajmëruar, pasi kohë më parë, viktimë e këtyre skemave ka rënë edhe qytetari Gëzim Bushati. Ky i fundit tregon se si është plagosur dhe se Pjerin Ndreu i shërben karteleve duke u dhënë hapësirat e plazheve.

Gjithashtu Bushati akuzon Drejtësinë që nuk vepron, duke treguar se ka bërë kallëzim për pronën e tij dhe organet e akuzës nuk kanë ndërmarrë asnjë masë për këtë çështje.

Zaptimi i hapësirave të plazheve nga persona të fortë e krimi ka prodhuar vazhdimisht viktima e konflikte, ndërsa të gjitha këto zaptime bëhen me bekimin e shtetit.