Një 50-vjeçar me origjinë shqiptare dhe një 27-vjeçar nga Maroku, janë arrestuar nga autoritetet italiane për trafik droge. Gjatë operacionit u sekuestruan rreth 30 kilogramë kokainë dhe heroinë, si dhe afro 300 mijë euro para cash.
Aksioni erdhi pas disa ditësh vëzhgimi. Hetuesit kishin ndjekur lëvizjet e 27-vjeçarit, i cili hynte shpesh në një garazh dhe më pas lëvizte drejt zonës së Lodit, ku rezulton se banonte.
Më pas, ai u ndoq në disa qytete në periferi të Milanos, deri në një ndalesë në Stezzano, në Bergamo.
Aty pranë një kamioni me targa shqiptare, u krye edhe shkëmbimi i dyshuar: i riu dorëzoi dy çanta dhe mori në këmbim qese plastike. Ndërhyrja e policisë zbuloi 270 mijë euro në çantat e tij, ndërsa tek 50-vjeçari u gjetën 10 kg kokainë dhe 17 kg heroinë.
Kontrollet vijuan edhe në banesën e 27-vjeçarit në Lodi, ku u sekuestruan të tjera sasi droge. Në një garazh në Vizzolo, policia zbuloi një automjet me një ndarje të fshehtë në bagazh, ku ndodheshin rreth 3 kg drogë dhe 30 mijë euro cash.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Dyshohet se ra nga lartësia gjatë punës në Ulqin, humb jetën 17-vjeçari nga Malisheva
Gati për grabitje në Farkë/ Arrestohet në flagrancë i armatosur 53- vjeçari
Aksident i rëndë në aksin nacional Pogradec - Lin, përplasen dy makina, vdes pasagjerja! 4 plagosen