Disa orë të bllokuar/ Dy turistë belgë shpëtohen në 'Qafën e Valbonës'

Dy turistë nga Belgjika kanë mbetur të bllokuar në një terren tejet të thepisur dhe të mbuluar me dëborë, në zonën e njohur si Qafa e Valbonës.

Sipas njoftimit të Policisë, rreth orës 14:00 është marrë sinjalizimi se turistët, teksa po eksploronin Alpet e Valbonës, nuk mund të vijonin lëvizjen për shkak të kushteve të vështira të terrenit.

Menjëherë pas marrjes së njoftimit, shërbimet e Komisariatit të Policisë Tropojë, në bashkëpunim me ekipin e kërkim-shpëtimit të Valbonës, organizuan operacionin për lokalizimin dhe ndihmën ndaj tyre.

Pas disa orësh kërkime intensive në këmbë, efektivët e Policisë dhe ekipi i kërkim-shpëtimit arritën të gjejnë turistët në “Qafën e Valbonës”, duke i nxjerrë ata nga situata e rrezikshme.

Fatmirësisht, dy turistët janë në gjendje të mirë shëndetësore dhe janë akomoduar në një bujtinë në Valbonë.

Njoftimi i policisë:

Kishin mbetur të bllokuar në një terren tejet të thepisur dhe me dëborë, në vendin e quajtur “Qafa e Valbonës”. 

Policia e Tropojës, në bashkëpunim me ekipin e kërkim-shpëtimit të Valbonës, u kanë ardhur në ndihmë turistëve.

Rreth orës 14:00, është marrë njoftim se 2 turistë nga Belgjika, duke eksploruar Alpet e Valbonës, kishin mbetur të bllokuar për shkak të terrenit të thepisur dhe me dëborë.

Menjëherë pas marrjes së njoftimit, shërbimet e Komisariatit të Policisë Tropojë, në bashkëpunim me ekipin e kërkim-shpëtimit Valbonë, organizuan punën dhe nisën kërkimet për lokalizimin e turistëve.

Pas disa orësh kërkime në këmbë, nga shërbimet e Policisë dhe ekipi i kërkim-shpëtimit Valbonë, në vendin e quajtur “Qafa e Valbonës”, u lokalizuan dy turistët që kishin mbetur të bllokuar.

Turistët ndodhen në gjendje të mirë shëndetësore dhe janë akomoduar në një bujtinë në Valbonë. Ata kanë falënderuar shërbimet e Policisë dhe ekipin e kërkim-shpëtimit për ofrimin e menjëhershëm të ndihmës.

Drejtoria Vendore e Policisë Kukës fton qytetarët që, për çdo rast nevoje për ndihmë, të telefonojnë në numrin pa pagesë 112.

#angazhimpërkushtimsakrificë
#nëndihmëtëturistëve
#nëçdoskajtëvendit🇦🇱
#nëshërbimtëqytetarëve
#112