Një çantë e dyshimtë që u gjet sot në mbrëmje, mes bulevardit Zogu i Parë dhe Rrugës së Barrikadave vuri  në alarm policinë.

Pasi verifikoi njësia anti-ekaploziv u zbulua se valixhja kishte vegla ndërtimi.

Tiranë/Informacion paraprak

Më datë 02.03.2026, rreth orës 18:30, është njoftuar Salla operative se në rrugën “Bardhok Biba”, në trotuar, ndodhej një valixhe e dyshimtë.

Shërbimet e Policisë bënë rrethimin e vendit dhe njoftuan forcat xheniere. Pas verifikimeve dhe hapjes së valixhes, është konstatuar se brenda saj ndodheshin vegla ndërtimi.

Nga këqyrja e pamjeve filmike ka rezultuar se valixhja ishte harruar nga disa punonjës ndërtimi.