Analiza e ADN-së ka hedhur dritë mbi rastin e përdhunimit të 12-vjeçares në Pogradec e cila mbeti shtatzënë pas abuzimit nga 67-vjeçari Rushan Selko, i njohur i familjes së saj.

Burime pranë grupit hetimor bëjnë me dije se analiza e ADN-së ka përputhur materialin gjenetik të fetusit me atë të Rushan Selkos.

Sipas informacioneve, e mitura ka dëshmuar në prani të psikologut, duke treguar për kërcënimet e vazhdueshme që i janë bërë për të mos e bërë publike ngjarjen.

Ndërkohë, familjarët janë marrë disa herë në pyetje, ndërsa hetuesit po punojnë për të dokumentuar çdo detaj të rastit, i cili u bë publik në media më 30 dhjetor.

LEXO EDHE: Përdhunimi i 12-vjeçares në Pogradec, lihet në burg 29-vjeçari nga Vërdova

Hetimet kanë nisur menjëherë pas konfirmimit të shtatzënisë së të miturës, e cila në atë kohë rezultoi rreth 22 javëshe. Tashmë, burime bëjnë me dije se e mitura e ka abortuar foshnjën.