Nuk pranoi kontrollin dhe tentoi të largohej me shpejtësi, arrestohet 42-vjeçari që rrezikoi jetën e policëve

Një shtetas nga Maqedonia e Veriut është arrestuar në flagrancë në dalje të Republikës së Shqipërisë, pasi ka kundërshtuar urdhrin e punonjësve të Policisë dhe ka tentuar të largohej me automjet, duke rrezikuar jetën e efektivëve.

42-vjeçari, G. K., banues në Maqedoni, akuzohet për “Kundërshtim të punonjësit të rendit publik” dhe “Kalim të paligjshëm të kufirit”, ndërsa automjeti i tij është sekuestruar. Materialet procedurale i janë referuar Prokurorisë pranë Gjykatës së Shkallës së Parë Dibër për veprime të mëtejshme ligjore.