Oferta për Jeffrey Epstein: Vajza shqiptare mund të bëjë gjithçka, por nuk ka dokumentet

Në mesin e miliona dokumenteve të publikuara për dosjen Epstein spikat edhe njëri ku dikush i ofron abuzuesit seksual me famë botërore një vajzë shqiptare.

Në dokumentin me titull: top-kandidatet, dikush i dërgon të dhëna dhe foto për dy vajza.

Njëra është ruse, tjetra është shqiptare.

Në email thuhet se vajza shqiptare është e gatshme të bëjë gjithçka, por nuk ka dokumente.

“Duhet ta takosh dhe ta punësosh rusen ... nëse të pëlqen. Është ... vjeç, e arsimuar në universitetin amerikan, ka vizë pune amerikane, dëshiron vërtet një punë dhe është e lumtur të bëjë atë që i kërkon. Është shumë e bukur, simpatike, modeste dhe kurioze për të renë, është si unë 6 vjet më parë vetëm në një vend të ri duke kërkuar më të mirën, dhe gjithashtu e hollë. Patëm një bisedë të mrekullueshme.

Kandidatë të tjerë janë gjithashtu interesantë, por nuk jetojnë në Nju Jork. Vajza shqiptare gjithashtu do të bëjë çdo lloj pune që ti dëshiron. Por ajo është shumë e ndërlikuar për sa i përket dokumenteve. Ke videon e saj për ty.

Më lajmëro kur të takohesh/folësh me ndonjë,” thuhet në dokument.