Atentati/ Biznesmeni i vrarë me precedent penal, dyshohet pjesëtar i rrjetit të drogës, reagon policia

Policia e Elbasanit ka dhënë detajet e para për ekzekutimin e biznesmenit, Mond Mëhalla, 43 vjeç, i cili njihej edhe si Edmond Hyka,, mbrëmjen e kësaj të diele.

Sipas policisë, vrasja ka ndodhur në në lagjen "Emin Matraxhiu”, rreth orës 20:35, ku brenda në një automjet të parkuar, është gjetur, i vrarë me armë zjarri 43-vjeçari.

Aktualisht, Policia ndodhet në vendngjarje dhe janë ngritur pika kontrolli në dalje të qytetit, dhe vijojnë kontrollet në zonë e në ambiente të ndryshme, për kapjen e autorit/ëve.

LEXO EDHE: DETAJE/ Vrasja e biznesmenit - U qëllua me dy plumba në kokë në makinë! Dyshohet si ishin 2 autorët

Sipas burimeve, biznesmeni njihej në Elbasan si pronar i 2 bizneseve, ajo e taksive elektrike dhe e një karburanti.

Më herët biznesmeni 43-vjeçar, dyshohet të ketë qenë pjesëtar i një grupi kriminal që operonte jashtë Shqipërisë, kryesisht në rrjetin e lëndëve narkotike.

Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve.

Elbasan/ Informacion paraprak

Rreth orës 20:35, është marrë njoftim se në lagjen "Emin Matraxhiu", brenda në një automjet të parkuar, është gjetur, i vrarë me armë zjarri, shtetasi M. M. alias E. H., 43 vjeç. 

Në vendngjarje shkuan menjëherë shërbimet e Policisë dhe janë ngritur pika kontrolli në dalje të qytetit, dhe vijojnë kontrollet në zonë e në ambiente të ndryshme, për kapjen e autorit/ëve.

Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorit/ëve.