'Nga goditjet e mamit abortova foshnjën'- 14-vjeçarja shqiptare s’është dhunuar! Misteri i ngjarjes

Rasti i 14-vjeçares shqiptare në Menidi të Greqisë po merr një kthesë të re. Mëngjesin e së premtes, më 28 nëntor, adoleshentja u paraqit në stacionin e policisë duke mbajtur një gazetë, brenda së cilës, siç pretendoi ajo, ishte fetusi që kishte abortuar pasi ishte dhunuar brutalisht nga nëna e saj.

Thriassio.gr raporton se policia shkoi menjëherë në Aspropyrgos  duke arrestuar nënën e të miturës për lëndime trupore dhe dhunë në familje.

Sipas informacioneve të deritanishme, nga ekspertiza mjekoligjore që iu është bërë vajzës nuk ka shenja dhune, si ato të përmendura nga 14-vjeçarja në denoncimin e saj.

Në të njëjtën kohë, ende nuk është përcaktuar nëse ajo që ishte mbështjellë në gazetë ishte në të vërtetë një fetus.

Ndërkohë, familja e 14-vjeçares në emisionin Live News, duke mohuar kategorikisht se ka pasur ndonjë sherr mes nënë e bijë.

Vëllai i të miturës tha se tre muaj më parë 14-vjeçarja ishte larguar nga shtëpia, duke thënë se do të shkonte të blinte një sanduiç, dhe nuk ishte kthyer më.

Siç deklaroi ai, familja nuk e dinte që ishte shtatzënë, ndërsa kur nëna shkoi të takonte të bijën, tre persona i dolën përpara dhe pasuan ngjarje që çuan në dërgimin e saj në komisariat.

“Tre muaj më parë ajo ishte në shtëpi dhe i tha babait ‘do të shkoj të marr një sanduiç’ dhe iku’. Kaluan orë dhe ditë. Nuk e dinim që ishte shtatzënë. Unë dhe babai im ishim në Evia. Nëna ime shkoi në shtëpinë ku ajo rrinte për të parë vajzën e saj dhe tre persona u shfaqën para saj. Pas pak, nëna ime më telefonoi dhe më tha se e kishin çuar në Stacionin e Policisë. Nuk pati kurrë sherr me motrën time”, tha vëllai i 14-vjeçares.

Babai i 14 -vjeçares  vuri në dukje se e kishin kërkuar vajzën e tyre për ditë të tëra dhe kishin kontaktuar edhe Policinë, duke këmbëngulur se “nuk ka pasur kurrë sherr”. Ai gjithashtu deklaron se dëshiron që vajza e tij të ekzaminohet nga një mjek për të përcaktuar se ku është goditur, nëse ka ndodhur diçka gjë e tillë.

“E kërkuam për ditë të tëra dhe në Polici. E kërkuam dhe ajo nuk erdhi tek ne. Dua që ta dërgojnë te një mjek për të parë se ku është goditur. Nuk ka pasur kurrë sherr, ajo po gënjen. Nuk kemi kontakt me të. Më duket e çuditshme që ajo ishte shtatzënë “, thotë babai i saj.