EMRI/ Europol arreston në Greqi shqiptarin, vodhi 100.000 portofole kriptovalutash

I dyshuari kryesor pas programit keqdashës VenomRAT u arrestua në Greqi, si pjesë e operacionit të madh "Endgame" të Europol, në bashkëpunim me Policinë greke. 

Faza më e fundit e operacionit u zhvillua midis 10 dhe 14 nëntorit nën koordinimin e selisë së Europolit në Hagë dhe shënjestroi Rhadamanthys, një nga programet më të mëdha të vjedhjes së informacionit, Trojanin me akses në distancë VenomRAT dhe botnetin Elysium, i cili luajti një rol kyç në krimin kibernetik ndërkombëtar.

Në veçanti, sipas një njoftimi përkatës, rrjeti që u çmontua ishte përgjegjës për sulme kundër qindra mijëra viktimave në të gjithë botën me softëare të dëmshëm.

Operacioni “Endgame”, i koordinuar nga Europol dhe Eurojust, është një përpjekje e përbashkët midis autoriteteve të zbatimit të ligjit dhe atyre gjyqësore në Greqi, Australi, Belgjikë, Kanada, Danimarkë, Francë, Gjermani, Lituani, Holandë, Mbretërinë e Bashkuar dhe Shtetet e Bashkuara për të luftuar ata që promovojnë programe keqdashëse.

Këto veprime të koordinuara çuan në:

– Një arrestim në Greqi (më 3 nëntor)

– Kontrolle në 11 lokacione (një në Greqi, një në Gjermani dhe 9 në Holandë)

- Ndërprerja ose mbyllja e më shumë se 1,025 serverave në të gjithë botën

– Sekuestrimi i 20 domeneve të internetit.

Rrjeti i programeve keqdashëse i çmontuar përbëhej nga qindra mijëra kompjuterë të infektuar që përmbanin disa miliona të dhëna të vjedhura. Shumë prej viktimave nuk ishin në dijeni se sistemet e tyre ishin shënjestruar.

I dyshuari kryesor, i cili është nga Shqipëria, i identifikuar si Sotiraq Kolezi 38 vjec nga Bilishti, kishte qasje në më shumë se 100,000 portofole kriptovalutash që u përkisnin këtyre viktimave, vlera e të cilave ka të ngjarë të arrijë në miliona euro./kathimerini.gr/