Abuzime me tendera/ Zgjaten me 3 muaj afatet e hetimeve për kryebashkiakun e Kolonjës, Erion Isai

Prokuroria e Posaçme ka zgjatur me 3 muaj afatin e hetimeve për kryebashkiakin socialist të Kolonjës Erion Isai dhe 6 zyrtarëve të tjerë, për abuzime me tenderat në vlerë 20 milion euro. Isai akuzohet për shkelje të barazisë në tendera apo ankande publike e kryer në bashkëpunim, ndërsa më 24 shtator u mor i pandehur për këtë vepër penale.

Erion Isai akuzohet për përgjegjësitë si titullar i autoritetit kontraktor thotë SPAK, që kapin një vlerë totale prej 20 milion eurove. Në total të akuzuar janë Isai dhe 6 vartës të tij, ndërsa po hetohen edhe 5 persona nga kompanintë private.

Mekanizmi i përdorur në 4 tendera është një ujësjellës dhe aksi rrugor Korçë-Ersekë. Sipas hetimeve të prokurorit Dritan Prençi, kompania ANK ka paraqitur një projekt të falsifikuar për të fituar tenderin. Po ashtu kontrata pune me staf jo real për të plotësuar kushtet e konkurimit.

Ndërkohë edhe mbikëqyrja e punimeve është bërë me kontrata false sipas hetimeve.

Zbërthimi i një aparati celular i sekuestruar gjatë hetimeve ka zbuluar bisedat se si është abuzuar me procedurat e tenderimit dhe favorizuar kompanitë e paracaktuara. Konkretisht SPAK ka hetuar 4 tendera:

1.Procedura e prokurimit për projektin me objekt: Ndërtimi i rrugës Korçë-Ersekë, Loti 2 (Pjesa e parë), me Nr.REF-69427-08-21-2020.

2. Procedura e prokurimit me objekt "Supervizim punimesh për ndërtimin e rrugës Korçë-Erseke, loti i 2 (pjesa e parë)", me nr. REF-75548-10-14-2020.

3.Procedura e prokurimit me objekt "Ndërtim i Ujësjellësit Ersekë dhe të disa fshtarave Faza e dytë nga burimet e Kozelit", me nr. REF-68285-08-11-2020.