Kapja në Dubai e Altin Sinomatit, i kërkuar në Italia për vrasje - U zbulua nga bisedat në ‘Sky Ecc’

Nga Elton Qyno/

Është arrestuar në Dubai të Emirateve të Bashkuara Arabe, shqiptari Altin Sinomati, 37 vjeç, i njohur ndryshe me nofkën “Aldo” ose “Il Lungo”.

Gazetari Elton Qyno ka mësuar se arrestimi është kryer për llogari të Drejtësisë Italiane, pasi ndaj tij është lëshuar një urdhër-arresti për akuzën e vrasjes së një shqiptari tjetër në Itali Selavdi Shehaj.

Altin Sinomati është zbuluar nga bisedat në aplikacionin sekret “Sky Ecc”, si porositësi i vrasjes së bashkëkombasit të tij, 38-vjeçarit Selavdi Shehaj, i quajtur ndryshe Simone ose Passerotto, ngjarje kjo e ndodhur më  20 shtator 2020 në plazhin e Torvaianicas në Itali.

Për këtë zbulim ka folur në Gjykatën e Assizes në Frosinone, Dario Ferrara, komandant i Njësisë së Hetimit të Karabinierëve.

Koloneli ka deklaruar se bisedat të koduara e bëjnë të besojë se shqiptari është afër rrethit të Leandro Bennato dhe Giuseppe Molisso.

Selavdi Shehaj flet me Molisso për çmimin e kokainës, për dërgesat e humbura, duke dëshmuar – thotë dëshmitari – për besimin mes të dyve.