Pamje të publikuara në rrjet, tregojnë makinën e gazetarit investigativ Sigfrido Ranucci, të shkatërruar nga një shpërthim i fuqishëm mbrëmë në Campo Ascolano, mes Romës dhe Pomezias.
Automjeti është shkatërruar pothuajse tërësisht, ndërsa makina tjetër e familjes dhe fasada e banesës janë dëmtuar rëndë.
Një bombë e vendosur nën makinën e gazetarit shpërtheu rreth orës 22:00, duke shkaktuar panik në lagje.
Sipas burimeve të Antimafias (DIA), eksplozivi i përdorur është rreth 1 kilogram dhe nga verifikimet paraprake, bomba nuk ishte e pajisur me timer.
Gazetarja Alba Kepi raporton për SYRI TV se ekziston hipoteza që autorët e kanë ndjekur gazetarin dhe e kanë vendosur mjetin shpërthyes, pasi kanë hyrë në banesën e familjes së tij.
Këto të dhëna po hetohen si pista të mundshme nga autoritetet kompetente.
Ranucci ka deklaruar për Corriere della Sera:
“Vajza ime kaloi përpara makinës sime vetëm pak minuta para shpërthimit — mund ta kishin vrarë...
Është e mundur që kjo ngjarje të ketë lidhje me faktin se para pak ditësh kam njoftuar temat e reja të hetimeve të Report.”
Profil:
Sigfrido Ranucci është gazetari investigativ dhe prezantues i emisionit Report në RAI3, i njohur për hetimet mbi Shqipërinë, kryeministrin Edi Rama dhe lidhjet mes krimit dhe politikës.
Ai ka prekur çështje të ndjeshme si marrëveshjet për refugjatët dhe skandalet e qeverisë shqiptare, duke u përballur shpesh me reagime të ashpra.
Ranucci ka deklaruar se investigimet do të vazhdojnë dhe emisioni i ardhshëm do të sjellë detaje të reja.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
E rëndë në Gjirokastër, 62-vjeçari mbytet në liqenin e Viroit
Historia e depërtimit të mafias shqiptare në Ekuador, lidhjet e fshehta mes ‘Ndrangheta-s, Camorra dhe Los Choneros 
Erdhi për dasmë në Shqipëri, aksidentohet për vdekje britaniku, doli për të blerë një karikues