Një aksident i rëndë ka ndodhur gjatë mesditës së sotme në ambientet e portit të Durrësit.

Policia bën të ditur se, nga ngjarja ka mbetur i plagosur 24-vjeçari me inicialet D. M., i cili është dërguar në spitalin e Traumës në Tiranë.

Durrës/ Informacione paraprake

Në ambientet e portit të Durrësit, shtetasi D. M., 24 vjeç, banues në Durrës, dyshohet se duke drejtuar motomjetin, ka humbur kontrollin dhe është rrëzuar dhe për pasojë është dëmtuar.  

Shtetasi D. M. është transportuar në Spitalin e Traumës dhe po merr ndihmën mjekësore. 

Grupi hetimor po punon për zbardhjen e rrethanave të aksidentit.