Masakra në Shkodër me 2 të vrarë e 2 të plagosur, arrestohet autori! Pamjet nga vendi i ngjarjes

Shkodra tronditet sërish nga një krim i rëndë. Një atentat i mirëfilltë u shënua mëngjesin e sotëm me 2 viktimë e 2 të plagosur.

Syri Tv sjell pamjet e para të atentatit të ndodhur në qendër të qytetit të Shkodrës, në një lokal pranë bashkisë pranë shkollës “Koli Dromeni” në pedonale.

Viktima është Armando Pali, punonjësi i IMT-së dhe Liridon Kraja (Lushi) 31 vjeç. Të plagosur janë Erogen Vaso (Brajoviq), 43 vjeç, - vellai i Denis Brajoviç, e Meri Kaceri, 25 vjeçe

Armando Pali ka ndërruar jetë në lokal, ndërsa Kraja  ka ndërruar jetë në spital, disa minuta më pas.  

Autori, Ragip Gila, është arrestuar teksa ka tentuar të largohej. 

Raportohet se autori i dyshuar u arrestua në tentativë për të ikur në zonën periferike të njohur si “shinat e trenit” në Shkodër.

Dyshohet se objektiv i atentatit ka qenë Erogen Vaso, është vëllai i Denis Bajroviç (Bajri) i cili akuzohet për vrasjen e Gjin Ndojit. 

Në lokalin ku ka ndodhur vrasja kanë mbërritur forcat e policisë. 

Lexo dhe: Masakra në Shkodër/ Dyshohet se ishte shënjestra e atentatit, kush është i plagosuri Erogen Vaso

Ky është atentati i dytë që tronditi qytetin e Shkodrës brenda pak ditësh. Më 4 shtator po në qendër të qytetit u vra Kristjan Kola

Masakra ne Shkoder, 8 shtator 2025

Viktima

Armando Pali - Punonjws i IMT

Liridon Kraja (Lushi), 31 vjeç

I plagosur

Erogen Vaso (Brajoviq), 43 vjeç, - vellai i Denis Brajoviç

Meri Kaceri, 25 vjeçe

Autori i arrestuar
Ragip Gila

Shkodër / Informacion paraprak

Rreth orës 08:50, në lagjen “Qemal Stafa”, në ambientet e jashtme të një lokali, dyshohet se shtetasi R. G. ka qëlluar me armë zjarri dhe si pasojë janë plagosur shtetasi E. V. (B.), 43 vjeç, i cili ndodhet nën kujdesin e mjekëve, si dhe shtetasja M. K., 25 vjeçe, e cila është dëmtuar lehtë.

Gjithashtu, si pasojë e të shtënave, ka humbur jetën në vendngjarje shtetasi A. P., ndërsa në Spitalin Rajonal Shkodër ka ndërruar jetë edhe shtetasi L. K. (L.), 31 vjeç.

Shërbimet e Policisë kanë shkuar menjëherë në vendngjarje dhe janë vënë në ndjekje të autorit. Pas disa minutash ndjekjeje, bënë të mundur kapjen e tij dhe sekuestruan një armë zjarri automatike.

Ndërkaq, grupi hetimor, nën drejtimin e Prokurorisë, vijon punën për zbardhjen e rrethanave të ngjarjes.