Një ngjarje e rëndë është regjistruar pasditen e sotme në lagjen nr. 10 të qytetit të Korçës, ku një shtetas rreth 70 vjeç është gjetur i pajetë në banesën e tij. Sipas informacioneve paraprake, viktima, i identifikuar si N. K 70 vjeç., jetonte i vetëm dhe në trupin e tij nuk janë konstatuar shenja dhune.

Dyshohet se i moshuari kishte ndërruar jetë disa ditë më parë.

Grupi hetimor ndodhet në vendngjarje dhe po punon për të zbardhur plotësisht rrethanat dhe shkakun e vdekjes.

Njoftimi i Policisë:

Korçë/Informacion paraprak

Rreth orës 18:50, në lagjen nr. 10, është gjetur pa shenja jete dhe pa shenja dhune, në banesën ku jetonte vetëm, shtetasi N. K., rreth 70 vjeç.

Nga veprimet e para hetimore, dyshohet se ky shtetas ka humbur jetën disa ditë më parë.

Grupi hetimor ndodhet në vendngjarje dhe po punon për përcaktimin e shkakut të humbjes së jetës dhe dokumentimin e plotë të rrethanave të rastit.