Zjarri i rënë mbrëmjen e sotme në  fshatin Shetel njësia administrative Gjepalaj, Bashkia Shijak vijon të jetë aktiv. 
Pas mesnatës është arritur që të bëhet i mundur izolimi i vatrës në fshatin Shetel duke eliminuar rrezikun për banesat, informojnë autoritetet.

Por, për shkak të pranisë së erës zjarri ka kaluar në anën e fshatit Kënetë, Njësia Administrative Gjepalaj ku është përqëndruar pjesa dërrmuese e forcave me qëllim izolimin dhe fikjen e zjarrit. 

Terreni vështirëson operacionin e ndërhyrjes Ndërkohë në terren janë dhe forcat zjarrfikëse të M.Z.Sh-së Shijak, të mbështetura nga M.Z.Sh-ja Durrës dhe Stacioni Zjarrfikës i Autoritetit Portual Durrës, si dhe strukturat e tjera vendore. 
Operacioni po ndiqet nga afër nga Ministri i Mbrojtjes Z. Pirro Vengu, Prefekti i Qarkut  Emiljan Jani, Kryetari i Bashkisë Shijak, Elton Arbana.