Mallakastër/ Vijon aktive vatra e zjarrit në Belishovë

Ndërsa në masivin pyjor të Drenovës dhe në kodrat me ullishte të Gorishovës, situata nga zjarri është nën kontroll, në Belishovë të Mallakastrës mbetet ende aktive një vatër zjarri . Shërbimet zjarrfikëse janë duke punuar në terren të vështirë për neutralizimin e flakëve me mjete rrethanore, ndërsa era e fortë favorizon përhapjen e flakëve duke vështirësuar operacionin per izolimin e zjarrit.

Gjatë 24 orëve të fundit janë raportuar 24 vatra zjarri në të gjithë vendin, nga të cilat 4 janë ende aktive. Si pasojë e zjarreve janë djegur mbi 154 hektarë me shkurre dhe bimësi, si dhe më shumë se 3,000 rrënjë ullinj.