Vlorë/ 17-vjeçarja tentoi vetëvrasjen, policia gjen pistoletën! Ja ku ishte fshehur

Gjendet dhe sekuestrohet arma e zjarrit që dyshohet se u përdor nga 17-vjeçarja në tentativën për vetëvrasje.

Ngjarja ndodhi më datë 14.07.2025, në lagjen “Kushtrimi”, të Vlorës, kur 17-vjeçarja mbeti e plagosur rëndë pas tentativës për vetëvrasje me armë zjarri duke mbetur e plagosur rëndë me plagë në kokë. Adoleshentja u soll në Tiranë për mjekim të specializuar ndërsa policia ka arrestuar babain e saj, 43-vjeçarin S.S., i cili akuzohet se ka dhunuar të bijën.

Sot policia informon se bëri të mundur gjetjen dhe sekuestrimin, në cilësinë e provës materiale, te armës së zjarrit pistoletë, e cila ishte hedhur në një vend grumbullimi materialesh të ndryshme shtëpiake, pranë banesës së gjyshërve të të miturës dhe ndodhej brenda një qeseje plastike.

Arma e sekuestruar do t’i dërgohet Institutit të Policisë Shkencore për ekzaminime të mëtejshme, me qëllim dokumentimin e plotë të ngjarjes.