Një person ka mbetur i plagosur mbrëmjen e djeshme në rrugën “Mitat Hoxha” në Sarandë. Klodjan Basholli, 44 vjeç, banues në Shijan të Delvinës, person me precedentë penalë, ka marrë plagë me thikë pas një zënke me 26-vjeçarin Elvis Ndoji me banim në Sarandë.
44-vjeçari është transportuar i plagosur drejt Spitalit të Sarandës ku ka marrë ndihmën e parë. Pas identifikimit të autorit, policia ka arritur të negociojë me të brenda pak orësh duke bërë që ai të vetëdorëzohet. Ndoji rezulton person me precedentë penalë, i arrestuar në tetor 2024 si autor i disa vjedhjeve. Gjatë arrestimit të tij atëherë, i’u gjet një thikë dhe një sëpatë, ndërkohë që nuk dihet se si ka përfunduar kaq shpejt i lirë.
Edhe Klodjan Basholli rezulton i dënuar më parë nga Gjykata e Krimeve të Rënda me 5 vjet e 4 muaj burg për trafik ndërkombëtar droge, për një ngjarje të ndodhur në vitin 2008 ku në plazhin e Manastirit u kap një skaf me 278 kg marijuanë. Ndërsa më vonë ai është arrestuar sërish në vitin 2017, si pjesë e një grupi që kryente vjedhje në fshatrat kufitare greke. Gjatë operacionit të atëhershëm, dy prej bashkëpunëtorëve të tij i’u gjetën nga policia edhe 2 pistoleta.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Kryetari rilindas i bashkisë së Kolonjës, Erion Isai, paraqitet sërish në SPAK
Aksident me një të plagosur në aksin rrugor Pogradec-Qukës
Ndërron jetë në banesë 14-vjeçari në Maliq, vuante nga epilepsia