Policia e Shkodrës ka asgjësuar 40621 rrënjë kanabis sativa në disa zona të këtij qarku. Asgjësimet janë bërë në kuadër të operacionit ‘Koordinata’, ndërkohë që janë proceduar penalisht dhe 8 kryetarë fshatrash dhe 2 rojë mjedisi për akuzën e ‘Shpërdorimit të Detyrës’.
Gjatë kontrolleve të intensifikuara blutë e Shkodrës kanë konstatuar dhe asgjësuar 15 790 bimë të dyshuara Cannabis Sativa në njësinë administrative Shalë në fshatrat Pult dhe Shosh. Në njësinë administrative Kastrat dhe Shkrel u asgjësuan 22 422 bimë kanabis sativa.
Në territorin e njësive Temal dhe Shllak komisariati i Vaut të Dejës asgjësoi 2409 bimë kanabis sativa.
Blutë e Qarkut të Shkodrës, po vijojnë punën për identifikimin dhe arrestimin e personave të cilët kanë kultivuar lëndën narkotike thuajse në të gjithë territorin e këtij qarku.
Shkodra është një nga qarqet me problematike për kultivimin e kanabisit në Shqipëri. Për këtë arsye drejtoria e këtij qarku, prej muajsh ka nisur operacionin Koordinata për të zbuluar dhe asgjësuar parcela më kanabis në zona malore të qarkut.
Në disa raste, kultivuesit e kanabisit iu janë përgjigjur policisë duke përdorur armët e zjarrit në disa operacione anti-kanabis.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
E rëndë në Korçë/ Fëmija 4 vjeç rrëzohet aksidentalisht nga kati i parë i banesës, niset drejt Tiranës
PAMJE TË RËNDA/ Shoferi përplas me dashje 4 persona në Shkodër, plas sherri
Turisti amerikan humbet në Përmet, gjendet pas 10 orë kërkimesh