Një mjet i tipit Fiat është përfshirë nga flakët ditën e sotme, në vendin e quajtur kthesa e Grecallisë në Fier.

Në vendngjarje ka shkuar një zjarrfikëse, e cila bëri të mundur shuarjen e flakëve.

Siç dallohet edhe nga pamjet që sjell SYRI, mjeti është shkrumbuar totalisht.

Dyshohet se shkak për përfshirjen e mjetit nga flakët është bërë një defekt në impantin e gazit. Drejtuesi i mjetit, A.M., ka shpëtuar mrekullisht.

Policia po vazhdon hetimet e mëtejshme për zbardhjen e shkaqeve.