Gjykata Speciale e Apelit ka shtyrë për të shtunën e 6 janarit vendimin për kthimin ose jo tek gazetari i “Ora News” Elton Qyno të materialeve familjare dhe të punës si dy telefona, dy kompjuterat dhe materialet e tjera profesionale të sekuestruar nga Prokuroria e Posaçme pas refuzimit të gazetarit për të treguar burimin e informacioneve për lajmet që Qyno ka publikuar.

Në përfundim të seancës së sotme, avokati Dorian Matlija deklaroi se vetë prokurori është shprehur në sallë se nuk ka asnjë interes për pajisjet e sekuestruara, por ka pohuar se ai do nga gazetari Qyo vetëm burimin e informacioneve.