Media britanike The Sun i ka kushtuar një artikull të gjatë bandave turke dhe shqiptare që operojnë në Londër.

The Sun e nis artikullin e saj duke përshkuar një video të këtyre bandave. 

Dy burra të veshur me kapuç kanw postuar nw rrjete sociale një video ku ata shihen para njw makine super luksoze shkruan dhe The Sun. 

Më pas artikulli vazhdon:

Ata paralajmërojnë të mos grinden me turqit apo shqiptarët.

Në një video tjetër në platformën e medieve sociale shihet një bande tjetër të cilët mbajnë kapuç duke kërcyer rreth asaj që duket të jetë një grumbull kokaine me vlerë 80.000 paunde për kilogramë.

Kjo është arroganca e frikshme e lindur nga një aleancë në zhvillim mes turke dhe bandave shqiptare.

Anëtarët e bandës kriminale shqiptare Hellbanianz, në Londrën Lindore, tashmë janë të njohur për shfaqjen e jetës luksoze dhe armatimit të tyre në mediat sociale dhe tani grupet turke po ndjekin shembullin.

Shqiptarë jo vetëm që po ushqejnë problemet e drogës në Mbretërinë e Bashkuar, por shumë qëndrojnë pas operacioneve të kontrabandës së njerëzve në Francë.

Në gusht, tre shqiptarë dhe një britanik u dënuan 19 vjet për të organizuar udhëtime “të rrezikshme” me varka të vogla.

Jetmir Myrtaj, 35 vjeç, Banet Tershana, 52 vjeç, Klodian Shenaj, 49 vjeç dhe shtetasi britanik Desmond Rice, 47 vjeç, nga Aylesbury, Bucks , u arrestuan në Belgjikë midis tetorit të vitit të kaluar dhe marsit.

Në një moment ata u përpoqën të kalonin 12 emigrantë, duke përfshirë një grua dhe fëmijë, në një varkë të vogël në Belgjikë ku gjashtë prej tyre nuk kishin jelekët e shpëtimit.

Numri i të ardhurve nga Shqipëria ka rënë jashtëzakonisht gjatë vitit të kaluar, si rezultat i një marrëveshjeje largimi të nënshkruar me qeverinë shqiptare nga kryeministri Rishi Sunak.

Ajo vlerësohet si një pengesë e rëndësishme, por një numër i madh i burrave shqiptarë mbeten në Britaninë e Madhe, duke krijuar probleme të mëdha për autoritetet.

Më shumë se 12,000 shqiptarë u nisën për në Britani me varka të vogla vitin e kaluar, duke përfaqësuar një për qind të njerëzve në moshë pune të vendit ballkanik.

Ata që mbërritën u dërguan në hotele ndërsa kërkesat e tyre për azil u trajtuan, por një e katërta thuhet se janë arratisur  brenda disa ditësh.

Tani Mbretëria e Bashkuar po sheh një rritje të emigrantëve turq, të cilët, këtë vit, përbënin një në nëntë persona që bëjnë udhëtimin e rrezikshëm përtej Kanalit Anglez.

Kriminelët shqiptarë nuk kanë pretenduar të fshehin stilin e tyre të jetesës luksoze, ndërsa bëjnë kërdinë duke shitur drogë në të gjithë Britaninë.

Një burim i tha The Sun: “Tregtarët e mëdhenj të drogës në Turqi janë mbështetur historikisht shumë te shqiptarët me origjinë turke për të shpërndarë drogën e tyre në Evropë.

"Kombet ndajnë lidhje të gjata kulturore dhe historike, kështu që ishte vetëm çështje kohe para se të gjenin njëri-tjetrin në Britani."

Në një shenjë të mëtejshme të bashkëpunimit në rritje midis gangsterëve nga të dy vendet, një baron droge shqiptar i arratisur që përmbyti Britaninë e Madhe me kokainë u arrestua në  Stamboll.

Dritan Rexhepi, në fillim të të 40-tave, dikur ishte përfshirë në listën e më të kërkuarve të Scotland Yard për shkak të lidhjeve të tij me Anglinë.

Ai u arrestua  muajin e kaluar pas një njoftimi të Interpolit të lëshuar nga autoritetet gjyqësore italiane dhe shqiptare për  "vrasje me dashje, drogë, rrëmbim/privim lirie, falsifikim të dokumenteve të udhëtimit, armëve dhe municioneve”.

Rexhepi thuhet se ka qenë udhëheqësi i një karteli ndërkombëtar droge të quajtur Kompania Bello, i cili transporton drogë nga Amerika e Jugut në Evropë.

Në gusht, Britania njoftoi një marrëveshje me Turqinë që synonte të pengonte bandat e kontrabandës që organizonin kalimet e Kanalit me anije të vogla.

Ish-polici Neil Woods tha se bandat e drogës po bëhen gjithnjë e më të dhunshme pasi Britania është e përmbytur me kokainë të lirë.

Ai shpjegoi:

Një nga ndryshimet që kanë sjellë shqiptarët është heqja e ndërmjetësve dhe ballafaqimi direkt me latino-amerikanët (kartelet). Kjo i ka bërë rrugët transnacionale të furnizimit shumë më efikase. Ata janë bërë aq efikas sa ka pasur një rritje dramatike në furnizimin me kokainë. Ka aq shumë kokainë përreth sa janë sekuestruar qindra kilogramë, por nuk ka asnjë ndryshim në furnizimin apo koston.

Arrestimet e policisë shkaktojnë vazhdimisht boshllëqe në tregun e drogës, gjë që sjell paqëndrueshmëri dhe mundësi për të cilat luftohet dhe bandat më të pamëshirshme dhe më të dhunshme priren të fitojnë.”/Marrë pjesërisht nga The Sun.