Nxënësit e gjimnazit ‘Havzi Nela’, u revoltuan këtë të hënë, pasi ende nuk kanë nisur mësimin në ambientet e rikonstruktuara të shkollës. Vonesat kanë ardhur për shkak të vonesave me mobilimin, por tashmë që kjo gjë është kryer, nuk është funksionale kaldaja e shkollës.
Nga SYRI TV
Këtë të hëne ishte paraparë rikthimi në objektin tashmë të rikonstruktuar të nxënësëve të Gjimnazit të qytetit ‘Havzi Nela’ të qytetit të Kukësit. Një gjë e tillë nuk ndodhi kjo për shkak të bërjes së testimit të plotë të sistemit të kaldajes për ngrohje dhe mos marrjes ende në dorëzim nga bashkia.
Kjo ka sjellë revoltën e një grupi të nxënësve të gjimnazit të cilët kanë protestuar sot para objektit të gjimnazit duke bojkotuar edhe mësimin këtë pasdite.
Kujtojmë rreth 1000 nxënës të këtij gjimnazi po e zhvillojnë mësimin pasdite në dy shkollat pritëse të qytetit të Kukësit, prej gati një vit shkollën e tyre.
Kthimi i nxënëseve ishte planifikuar në shtator të këtij viti në ditën kur fillonte edhe viti i ri shkollor.
Një gjë e tillë nuk ka ndodhur për shkak të mos kompletimit të shkollës me banka e karrige e materiale të tjera mësimore didaktike dhe tenderimit të tyre.
Sakaq nga një vëzhgim i bërë nga brenda ambienteve të gjimnazit duket se gjithçka është gati për kthimin e nxënësve në klasat e tyre tashmë të kompletuar ndërkohë që ngrohja ishte në funksion të plotë.
© SYRI.net