Nga mega-operacioni anti-drogë i orëve të fundit në mbarë vendin janë goditur një numër i madh shpërndarësish të lëndëve narkotike në disa qytete të vendit. 

Grupet kriminale të përfshira merreshin me shitje të llojeve të ndryshme, nga kokaina deri tek llojet e tjera. Burimet thonë se gjithashtu janë kapur qindra doza kanabisi dhe shuma të mëdha parash, ndërsa në këtë veprimtari kriminale ka të përfshira edhe vajza. Mësohet se është sekuestruar edhe kokainë, peshimi i të cilës nuk është bërë akoma për shkak të vijimësisë së operacionit.

Ndërkohë gjatë tij është konstatuar edhe një lloj droge e re e cila vinte nga jashtë, kryesisht me postë, një lloj droge xhelatinoze.

SYRI TV ka siguruar foton e kësaj droge të re që ka dalë në qarkullim.

Droga xhelatinoze që vjen nga Kandaja. Ajo është në formën e konservave të peshkur me përqindje të lartë THC. Ndërsa një lloj tjetër është në formën e tubave, me origjinë po nga Kanadaja.