Filiali i një banke të nivelit të dytë është grabitur pak pas mesditës në Prishtinë, duke shkaktuar panik dhe të banorët që panë të gjithë ngjarjen.

Persona të maskuar dhe armatosur hynë në ambientet e bankës që ndodhet në qendër të kryeqytetit dhe dolën prej aty me një sasi parash.

Policia bën me dije se ka bërë të mundur arrestimin e një personi, i cili dyshohet të jetë i përfshirë në këtë ngjarje të rëndë, ndërkohë që një tjetër është shpallur në kërkim.

“Personi i dyshuar, N.D, mashkull, është arrestuar menjëherë pas raportimit të rastit, pak metra larg nga vendi i ngjarjes. Lidhur me këtë rast policia është në kërkim të personit të dytë të dyshuar, i cili aktualisht ndodhet në arrati”, tha zëdhënësja e policisë.