Zjarr në një banesë në lagjen “Donika Kastrioti” në Berat, shkak është bërë bombola e gazit. Nuk ka pasur të lënduar, vetëm dëme materiale.

Një bombol gazi ka marrë flakë, duke i vënë zjarrin një banese. Ngjarja ka ndodhur në lagjen “Donika Kastrioti”, në familjen e Jemin Këmbacit. Në momentit e rënies së zjarrit në banese kanë qenë kryefamiljari së bashku me nusen e djalit dhe nipin.

Nusja dhe djali kanë dalë menjëherë nga banesa kurse 64-vjeçari Jemin Këmbaci është nxjerrë me zor nga zjarrfikësit pasi ka qenë i pirë dhe ka refuzuar të dalë jashtë. Zjarrfikësit kanë lokalizuar shpejt flakët dhe në një kohë të shkurtër është bërë edhe fikja e plotë e zjarrit. Si pasojë e zjarrit, familja e Jemin Këmbacit, pjesë e komunitetit rom, ka pësuar dëme materiale në njërën nga dhomat e shtëpisë, dëme të cilat ende nuk janë përllogaritur.