Një punonjëse policie ka mbetur e plagosur si pasojë e një aksidenti të ndodhur mëngjesin e sotëm në zonën e Vorës, ku një makinë nuk i është bindur urdhrit për të ndaluar duke e marrë para.
Inspektorja Arta Shurbi është dërguar me urgjencë në spitalin e Traumës, për ndihmë mjekësore dhe ndodhet jashtë rrezikut për jetën.
Efektivja e plagosur ditën e sotme në Vorë, është aksidentuar edhe dy vite më parë tek “Casa italia”.
Vorë/ Informacion paraprak
Më datë 09.08.2023, rreth orës 10:30 në Vorë, në afërsi të një karburanti, janë përplasur dy automjete, dhe si pasojë e përplasjes është dëmtuar punonjësja e Policisë së Qarkullimit Rrugor, Inspektore A. Sh., (e planëzuar në shërbim), e cila po dërgohet në spital, për ndihmë mjekësore.
Grupi hetimor ndodhet në vendngjarje dhe po punon për sqarimin e rrethanave të aksidentit.
© SYRI.net