SPAK ka përfunduar hetimet për dosjen Dumani, ku rreth 1 vit e gjysmë më parë në sajë të operacionit ‘Plumbi i Artë’, u goditën disa grupe kriminale, dhe u lëshuan mbi 32 urdhër arreste.

Të pandehur janë marrë 20 persona, atyre po i komunikohen akuzat nga ana e SPAK, e pritet që dosja të kalojë për gjykim në GJKKO, dhe seancat për këtë çështje të bujshme të nisin gjatë muajit shtator.

Për 12 personat e tjerë të cilët janë shpallur në kërkim lidhur me këtë çështje, referuar procedurës do vijojë kërkimi i tyre policor për gati 1 vit, e nëse autoritetet nuk mundin ti arrestojnë atëherë ndaj tyre do nisë procesi në mungesë.